Útskrift elstu barna

Ritað 31.05.2016.

056

 

  Í dag verða elstu börnin okkar útskrifuð, athöfnin hefst 

  klukkan 15:30. 

Endurgerð lóðar í Hraunborg

Ritað 31.05.2016.

lóð

 

Mánudaginn 30. maí hófust framkvæmdir á lóð leikskólans Hraunborgar. Endurnýjað verður yfirborðsefni s.s. malbik, hellur og gras, ásamt leiktækjum á allri lóðinni. Lóðin skiptist í tvo aðskilda garða, lítinn garð við Þrastaland og stóran garð við Lóu- og Spóaland. Fyrst verður unnið í litla garðinum framan af júní, síðan hefjast framkvæmdir í stóra garðinum í kringum 20. júní. Áætlaður framkvæmdatími er frá 30. maí – 31. ágúst.

Framkvæmdum af þessu tagi fylgja ýmsar vinnuvélar og tæki sem verða í notkun á og við lóðina. Biðjum við því alla sem leið eiga um svæðið að fara varlega.

lóð 2

Viðrukenning fyrir Grænt skref

Ritað 30.05.2016.

græn skref viðurkenningLeikskólinn Hraunborg er þátttakandi í verkefni á vegum Reykjavíkurborgar sem heitir "Græn skref í starfssemi Reykjavíkurborgar". Það snýst um að efla vistvænan rekstur í starfsemi borgarinnar og minnka umhverfisáhrif sveitarfélagsins í fjórum skrefum. Allir vinnustaðir á vegum Reykjavíkurborgar geta skráð sig til þátttöku í verkefnið. Hraunborg skráði sig í verkefnið í mars 2015.

Föstudaginn 27.maí fékk leikskólinn Hraunborg viðurkenningu fyrir að vera búinn að ná 1.græna skrefinu af þessum fjórum sem þarf að ná til þess að verða Grænn leikskóli/vinnustaður. Húrra fyrir okkur öllum :) Til að ná þessu skrefi þarf að vinna að mörgum þáttum í starfsseminni til dæmis; stilla orkunotkun talva og annarra raftækja, spara ljós með því að slökkva á svæðum sem ekki eru í notkun, hefja markvissa flokkun og setja upp flokkunarkerfi fyrir vinnustaðinn, endurnýta pappír og prennta á báðar hliðar blaðsins þegar því verður við komið, nota fjölnota leirtau á fundum og í kaffistofu, vera með hjólagrindur við vinnustaðinn, hafa við hendina fyrir starfsmenn upplýsingar um strætóferðir til og frá vinnustaðnum, nýta hverja verslunarferð til margra hluta og kynna heilræði frá samráðsnefnd Grænna skrefa fyrir starfsmönnum.

Næsta skref í verkefninu er að vinna markvisst að því að ná skrefi 2, það munum við gera á næsta skólaári.