Bleikur dagur

Ritað 12.10.2017.

   Bleikur dagur

 

Á morgun verður bleikur dagur  hjá okkur, endilega komið með börnin í einhverju bleiku.

Síðasti námskeiðsdagur

Ritað 09.10.2017.

Á síðasta námskeiðsdegi  fengum við hingað til okkar Eyrúnu Ísfold Gísladóttur talmeinafræðing til að fjalla um kennsluefnið Lubbi finnur málbein sem við ætlum að nota með öllum börnum skólans. Höfundar efnisins eru hún sjálf  og Þóra Másdóttir talmeinafræðingur. Við vorum mjög ánægðar með daginn, lærðum fjölmargt bæði gagnlegt og skemmtilegt. Eyrún var mjög forvitin um okkar starf og fannst mikið til þess koma sem við vinnum með einnig fannst henni mjög gaman að koma til okkar. Hún setti eftirfarandi frétt og mynd á heimasíðu Lugga sem finnur málbein.

Hér fyrir neðan sjáum við dugmikinn starfsmanahóp læsis-leikskólans Hraunborgar í Reykjavík, sem tileinkaði Lubba sem finnur málbein nánast heilan starfsdag í síðustu viku. Lubbi þakkar kærlega fyrir skemmtilegan dag og óskar ykkur góðs gengis í Lubbastarfinu framundan.

Lubbanámskeid

Starfið hafið að nýju

Ritað 18.09.2017.

BókstafirKomið þið sæl
Nú er starfið komið í gang aftur eftir sumarfrí. Aðlögun milli deilda er lokið og gekk hún nokkuð vel börnin sem koma frá Þrastalandi eru að fá mikið af nýjum tilboðum sem þeim finnst mjög spennandi. Þau vildu helst prófa allt í einu en það reyndist þeim nú erfitt. Eldri börnin á deildunum voru einnig að færast í nýja hópa og nýja hvíld svo allir eru að venjast nýjungum þessa dagana.
Því miður erum við í þeirri stöðu að hafa ekki getað tekið inn öll börnin sem voru búin að fá boð um vist hjá okkur en við vonum að það takist innan tíðar.

Breytingar hafa orðið í starfsmannahópnum Ásgerður Alda Friðbjarnardóttir kvaddi okkur í ágúst Brynja Ýr Baugsdóttir tók við deildarstjórn í hennar stað. Bryndís Óðinsdóttir fór til starfa á Spóaland og í hennar stað kom Sylvía Grétarsdóttir á Lóuland. Svala Birna Sæbjörnsdóttir fór til starfa á Spóalandi í hennar stað kom Hrefna Hrund Erlingsdóttir sem verið hafði í sérkennslu. Alexandra Ásta, Vigdís og Helga eru allar farnar í skóla, Alexandra Ásta kemur til okkar af og til í vetur en hinar koma að öllum líkindum ekkert fyrr en næsta vor.  Í þessari viku kemur nýr starfsmaður til starfa á Þrastaland hún heitir Tanja Alexandra Larsen.

Í sumar voru settir bókstafir á útisvæðið okkar og rauð lína sem má hjóla að, rauða línan er strax farin að bila en stafirnir virðast standast álagið. Við munum reyna að fá nýja rauða línu til að auðvelt sé að kenna þeim hvert má hjóla.